Riċetta veġetarjana: Insalata bil-ġbejniet friski u bajtar ta’ San Ġwann jew tin

Fig salad

Insalata oriġinali ħafna b’ingredjenti Maltin – ġbejniet friski u bajtar ta’ San Ġwann jew tin farkizzan.

Ħin: 35 minuta

Isservi: 4 persuni

Ingredjenti:

  • 2 bziezen ħoxnin, jew baguette, imqattgħin djagonalment f’biċċiet ta’ 1.5 ċm ħxuna
  • 150 g insalata mħallta
  • 4-6 bajtriet ta’ San Ġwann, jew 8 tiniet
  • 300 g ġbejniet friski
  • 50 ml żejt taż-żebbuġa
  • Sinna tewm, misħuqa
  • Qoxra maħkuka ta’ nofs lumija
  • Bżar mitħun frisk

Għall wiċċ:

  • 100 ml żejt taż-żebbuġa, u aktar biex troxx
  • Mgħarfa sagħtar jew ħabaq frisk, imqatta’
  • Meraq ta’ nofs lumija
  • Mgħarfa żerriegħa tal-mustarda (wholegrain mustard)
  • Mgħarfa għasel

 

Tħejjija:

  1. Poġġi l-ġbejniet friski f’passatur fuq skutella u ħallihom joqtru għal madwar 20 minuta.
  2. Sadanittant fi skutella ħabbat flimkien il-100 ml żejt taż-żebbuġa, il-meraq tal-lumi, iż-żerriegħa tal-mustarda u l-għasel. Fi skutella oħra ħabbat il-50 ml żejt taż-żebbuġa mal-qxur tal-lumi, it-tewma misħuqa u sagħtar jew ħabaq.
  3. Qassam l-insalata fuq 4 platti. Ixwi l-ħobż u idilku bil-ġbejniet, imbagħad roxx fuqu t-taħlita tat-tewm u ħabaq jew sagħtar, u roxx ukoll ftit bżar. Qassam il-ħobż midluk fuq l-insalata u qassam ukoll il-biċċiet tal-bajtar jew tin.
  4. Servi bit- taħlita ppreparata ta’ mustarda, għasel u lumi mraxxa fil-wiċċ.

Ippruvajtha din ir-ricetta ta' insalata bil-ġbejniet friski u bajtar ta’ San Ġwann/tin? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!