Din ir-riċetta hija verżjoni ta’ platt tradizzjonali mil-Lvant tal-Amerika li jissejjaħ Tree Sistes Casserole, li jirreferi għall-użanza li biha l-Amerikani nattivi jkabbru l-fażola, il-qamħirrun u l-qara’ fl-istess għalqa.
Għalkemm f’din ir-riċetta tista’ tuża fażola tal-bott, ir-riżultat ikun aħjar jekk il-fażola ssajjarha bil-mod għax it-togħma toħroġ aħjar.
Ħin: siegħa u 15-il minuta
Ingredjenti
Għal 6-8 persuni
Għall-fażola
- 3 kikkri fażola sewda (jew fażola pinto) li tkun sajjart bil-mod, fil-likwidu li sajjartha fih
- 2 mgħaref żejt tal-ward tax-xemx
- 2 kuċċarini żerriegħa tal-kemmun, mitħuna
- 1 bżaru jalapeno jew filfel, imqatta’ rqiq (jekk trid)
- Melħ
- 1 kuċċarina trab tal-bżar aħmar (aktar għat-togħma)
Għall-qara’
- 2 mgħaref żejt taż-żebbuġa ekstra verġni
- ½ kikkra basal imqatta’ rqiq
- Melħ
- 2 sinniet tewm, misħuqin
- 680g qarabagħli mit-twil, jew taħlita ta’ qarabagħli mit-twil u qargħa safra, imqatta’ 0.5ċm ħxuna
- ½-1 kuċċarina origanu
Għall-qamħirrun
- 2 kikkri qamħirrun imfesdaq (corn kernels), frisk jew iffriżat
- 1 ¼ kikkra ħalib
- 1 bżaru serrano, imqatta’ rqiq
- ¼ kikkra polenta
- Melħ
- ½ kikkra ġobon pecorino, maħkuk
- ¼ kikkra ġobon feta, imfarrak
- 1 mgħarfa żejt taż-żebbuġa ekstra verġni
Metodu
- Saħħan il-forn għal temperatura ta’ 190°C. Idlek biż-żejt dixx ta’ 2 litri.
- Aqli l-fażola:
- Saffi madwar ½ kikkra mil-likwidu tal-fażola u warrabha biex aktar tard ixxarrab il-fażola, jekk tinxef.
- Saħħan iż-żejt f’kazzola kbira bil-qiegħ oħxon u żid il-kemmun u t-trab tal-bżar aħmar.
- Kompli ħawwad, fuq nar medju, il-ħwawar sakemm jibdew ifexfxu u jsiru.
- Żid il-fażola u l-jalapeno jew filfel jekk se tuża.
- Qalli l-fażola filwaqt li tħawwadha u tgħaffiġha bil-wara ta’ mgħarfa, sakemm it-taħlita tagħqad u tifforma qoxra fil-qiegħ.
- Aqla’ l-qoxra minn mat-taġen u ħawwad il-fażola.
- Kompli sajjar għal 10 minuti sakemm il-fażola tagħqad sew imma ma tinxifx.
- Jekk tara li qed tinxef żid ftit likwidu li tkun erfajt minn tal-fażola stess.
- Żid il-melħ biss jekk ikun hemm bżonn.
- Ifrex il-fażola fil-qiegħ tad-dixx.
Nota: jekk se tuża fażola tal-bott, issafihiex mil-likwidu għax dan iħaffef il-proċess tas-sajran.
- Aħsel u xxotta t-taġen. Saħħan iż-żejt taż-żebbuġa fuq nar medju u żid il-basla. Qalli għal 5 minuti sakemm tirtab.
- Żid niskata melħ u t-tewm u kompli ħawwad għal 30 sekonda.
- Żid il-qara’, origanu, melħ u bżar u għolli ftit in-nar. Ħawwad sikwit sakemm il-qara’ jirtab, madwar 5-10 minuti.
- Żid melħ u bżar skont il-bżonn. Ifrex fuq is-saff tal-fażola.
- F’kazzola ħallat il-qamħirrun u l-ħalib, poġġiha fuq in-nar u għalli t-taħlita. Baxxi n-nar u tektek għal 5 minuti, sakemm isir il-qamħirrun.
- Żid il-polenta , il-bżar serrano u melħ u kompli tektek sakemm it-taħlita tibda’ tagħqad, madwar 3-5 minuti.
- Ħawwad magħhom il-ġobon pecorino maħkuk. Neħħi minn fuq in-nar u ifrex fuq is-saff tal-qara’. Roxx bil-ġobon feta mfarrak. Poġġi biċċiet tal-butir fil-wiċċ u roxx biż-żejt.
- Aħmi għal 25 minuta, sakemm jibda jbaqbaq u l-ġobon jaqbad jiħmar. Servi jaħraq jew sħun.
Biex tipprepara bil-quddiem: il-fażola moqlija ddum sa erbat ijiem fil-friġġ, imma trid ixxarrabha ftit qabel tifrixha fid-dixx.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
