Riċetta tradizzjonali tat-tuffieħ mgħolli bl-imsiemer tal-qronfol

Riċetta veġetarjana: Colcannon (patata mgħaffġa) bil-qargħa ħamra mixwija u tuffieħ

Malta tipproduċi madwar 42,000kg tuffieħ fis-sena. Il-Maltin, bħal nies f'pajjiżi oħra, iħobb jiekol din il-frotta friska, iżda t-tuffieħ mgħolli bl-imsiemer tal-qronfol hija riċetta tradizzjonali li sal-lum baqgħet tassew popolari bħala deserta ħelwa u tajba li hija wkoll tajba għas-saħħa u fiha ftit kaloriji.

 

Ingredjenti:

  • 4 tuffieħat ħelwin, imqaxxrin u neħħilhom il-qalba
  • 10 imsiemer tal-qronfol
  • Kikkra ilma
  • Kannella (cinnamon)
  • Żbib (jekk tixtieq)

 

Tħejjija:

Qatta' t-tuffieħ kaxxi kaxxi.

Poġġih ġo kazzola bl-ilma u żid l-imsiemer tal-qronfol, il-kannella u ż-żbib.

Sajjar sakemm jirtab.

Warrab l-imsiemer tal-qronfol u ħalli t-tuffieħ jibred.

Aqleb fi skutella żgħira u servih!

Tista' wkoll isservih mal-custard, jew anke mal-krema friska (fresh cream). Apparti minn hekk, l-ilma li ssajru fih tista' tkessħu fil-friġġ sserviħ bħala xarba bnina togħma ta' tuffieħ mgħolli.