Riċetta tradizzjonali: Braġoli

Picture taken by Margie https://www.flickr.com/photos/margieandlulu/5455513974/

Tradizzjonalment, il-braġoli huma magħmulin mil-laħam taċ-ċanga, mimli bil-perżut, bajd u ġobon.

Din ir-riċetta hi għall-braġoli kif soltu nafuhom hawn Malta, iżda filfatt hemm ħafna riċetti madwar id-dinja ta' ikel simli tal-braġoli Maltin, b'mili differenti. Ladarba tieħu l-qagħda tista' tipprova timlihom b'dak li tixtieq int, per eżempju bil-faqqiegħ u l-bajd, jew bl-ispinaċi u l-ġobon. La tibda tesperimenta, tibda tara opportunitajiet ta' mili li qatt ma kienu waqgħulek f'rasek qabel.

 

Ingredjenti:

  • 4 biċċiet laħam tal-koxxa, irqaq

Mili:

  • 250g ikkapuljat
  • 6 strixxi perżut tal-koxxa jew bacon mqatta'
  • Ġobon Cheddar skont il-gosti
  • 2 imgħaref tursin mqatta'
  • 4 imgħaref frak tal-ħobż
  • Bajda iebsa
  • Bajda mħabbta
  • Bżar u melħ skont il-gosti

Zalza:

  • 2 basliet kbar, mqatta' 
  • 3 sinniet tewm maħkuk
  • 4 tadamiet, mqaxxrin u mqattgħin (ikklikkja hawn biex tara Kif tagħmel blanching ta’ ħaxix u lewż)
  • Mgħarfa kunserva
  • 2 patatiet imqaxxrin u mqattgħin f'erba' biċċiet
  • 2 karotti mqaxxrin u mqattgħin roti roti
  • 1/2 kikkra jew 150g piżelli
  • 2 weraq tar-rand (bay leaves)
  • Stokk minn nofs cube tat-tiġieġ
  • 1/2 kikkra jew 100ml inbid aħmar

Tħejjija:

  1. Ħabbat il-laħam biex jirtab.
  2. Ħallat l-ingredjenti kollha tal-mili ġo skutella.
  3. Poġġi daqs 2 imgħaref mili fuq kull biċċa laħam. Rembel il-laħam bil-mili fin-nofs u għalaq bl-ispag jew bit-toothpicks.
  4. Aqli l-laħam ġo taġen mat-tewm u l-basal sakemm jibda jiħmar. Warrab il-laħam.
  5. Żid ftit stokk tat-tiġieġ fit-taġen bit-tewm u l-basal, u poġġi l-patata, it-tadam frisk, il-kunserva, il-karrotti, il-weraq tar-rand u l-inbid, kif ukoll ftit bżar u melħ skont il-gosti. Ħawwad bilmod u sajjar għal madwar 10 minuti.
  6. Erga' poġġi l-laħam fit-taġen, żid il-piżelli u għalli. Meta jgħali, baxxi n-nar u ħallieh itekek sakem iz-zalza taqgħad. 
  7. Żid aktar inbid jekk iz-zalza tibda' tinxef qabel ma l-laħam ikun sar sew.