Torta tat-tonn taż-żejt għal din il-ġimgħa mqaddsa. L-għaġina hija magħmula biż-żejt taż-żebbuġa biss.
Ingredjenti:
Għall-għaġina:
- 800 g dqiq
- 100 ml żejt taż-żebbuġa
- kikkra ilma kiesaħ
- niskata melħ
- żewġ kuċċarini nagħniegħ frisk
- żewġ kuċċarini nagħniegħ niexef
- żewġ kuċċarini ġulġlien
Għall-mili:
- daqs 1 kg tonn taż-żejt
- 6 tadamiet imqattgħin
- żewġ basliet
- sinna tewm
- 250 g spinaċi misjura
- 10 żebbuġiet imqattgħin
- ponn nagħniegħ frisk
- kuċċarina nagħniegħ niexef
- mgħarfa żejt taż-żebbuġa
- melħ u bżar
Tħejjija:
- Għarbel id-dqiq, żid il-melħ u n-nagħniegħ niexef. Ħaddem iż-żejt taż-żebbuġa fid-dqiq. Żid l-ilma kiesaħ ftit ftit sakemm tgħaqqad l-għaġina. Rembilha fin-nagħniegħ frisk imqatta' u kebbibha fl-istretch and seal. Poġġi fil-friġġ għal nofs siegħa.
- Qalli l-basla u t-tewm. Żid l-ispinaċi, iż-żebbuġ u t-tadam. Għatti u sajjar sakemm il-ħaxix jirtab. Żid it-tonn taż-żejt mal-ħaxix u ftit melħ u bżar.
- Iftaħ l-għaġina u iksi d-dixx tal-forn. Poġġi l-mili. Għatti u agħlaq l-għaġina sew. Taqqab il-wiċċ tal-għaġina u uża pinzell biex iddellek bajda mħabbta fil-wiċċ. Ferrex il-ġulġlien fil-wiċċ.
- Aħmi f'forn b'temperatura ta' 180° grad celsuis għal 45 minuta sakemm l-għaġina tiġi kulur sabiħ.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.
