Il-laħam tal-ħaruf mal-irtubija tal-ġobon u l-ispinaċi jagħmel kuntrast tajjeb, u l-għaġina filo tkompli żżid ma’ dan il-kuntrast.
Ingredjenti
Għal 6 persuni
- 2 kuċċarini żejt taż-żebbuġa, u aktar biex tidlek
- 400g ikkapuljat tal-ħaruf
- 2 sinniet tewm, misħuqin
- 300g spinaċi tarja
- 1 kikkra rkotta
- 4 abjad tal-bajd, imħabbtin ħafif
- 2 mgħaref xibt frisk, imqatta’
- 100g ġobon feta, imfarrak
- ¼ kikkra ġobon Parmiġġan maħkuk
- 3 biċċiet għaġina filo
- Ħaxix tal-insalata biex isservi
Metodu
- Idlek landa ta’ 22ċm dijametru u għoli ta’ 6ċm. Iksi l-qiegħ u l-gnub minn ġewwa bil-kartaforn. Saħħan il-forn għal temperatura ta’ 200°C.
- Saħħan żewġ mgħaref żejt taż-żebbuġa f’taġen fuq nar medju, żid il-ħaruf u t-tewm. Ħawwad b’mgħarfa tal-injam, filwaqt li tkisser l-ikkapuljat bl-imgħarfa, għal 5 minuti sakemm jieħu l-kulur il-ħaruf. Żid l-ispinaċi u ħawwad għal 2 minuti sakemm tidbiel. Poġġi t-taħlita f’passatur u ħalliha toqtor f’bieqja għal 10 minuti.
- Agħfas bil-mod biex tneħħi aktar likwidu u aqlibha f’bieqja kbira.
- Żid l-irkotta, l-abjad tal-bajd, ix-xibt, u l-ġobon feta u Parmiġġan. Żid melħ u bżar u ħawwad kollox flimkien.
- Gerbeb l-għaġina filo u qattagħha fi strixxi. Poġġi t-taħlita tal-ħaruf fil-landa u iksi bl-għaġina.
- Idlek l-għaġina biż-żejt, poġġi l-landa fuq tilar u aħmi għal 50-55 minuta, jew sakemm tara li għaqdet u l-għaġina ħadet lew dehbi. Berred għal 15-il minuta. Servi ma’ insalata friska.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.
