Riċetta: Torta tal-coconut u l-frawli bla butir u b’inqas zokkor

Coconut pie with strawberries (no butter and less sugar) Torta tal coconut u frawli bla butir u b inqas zokkor

Ingredjenti:

Għall-għaġina ħelwa tal-coconut: 

  • 500 g dqiq 
  • 100 g coconut
  • 250 g  irkotta 
  • mgħarfa zokkor
  • mgħarfa għasel
  • 2 qatriet vanilja
  • Qoxra ta' nofs larinġa maħkuka
  • Żewġ bajdiet
  • ilma kiesaħ
  • 3 mgħaref flieli tal-coconut mixwi ħafif

Għall-krema tal-coconut

  • 400 ml ħalib tal-coconut
  • 400 ml ħalib 
  • 120 g zokkor 
  • mgħarfa għasel
  • 50 g coconut
  • 2 qatriet vanilja
  • qoxra ta' larinġa maħkuka
  • separatament, 90 g dqiq tal-qamħirrun (cornflour) imħallat ma' 120 ml ilma
  • u naturalment il-frawli, kemm trid

     

Tħejjija:

Għall-għaġina ħelwa tal-coconut: 

Coconut pie with strawberries without butter and less sugar  Torta tal coconut u frawli bla butir u b inqas zokkor

  1. Għarbel id-dqiq
  2. Żid l-irkotta
  3. Ħaddem id-dqiq u l-irkotta b'idejk
  4. Żid il-ġewż tal-Indi u z-zokkor u ħawwad
  5. Żid l-ingredjenti l-oħra ħlief l-ilma u l-bajd u ħawwad
  6. Issa żid il-bajd u ħawwad billi tuża sikkina
  7. Imbagħad żid l-ilma kiesaħ, tibda bi tliet imgħaref u ħawwad, imbagħad żid mgħarfa mgħarfa sakemm tifforma l-għaġina
  8. Kebbeb fil stretch and seal u ħalli fil-friġġ għal nofs siegħa
  9. Ferrex Ftit dqiq fuq wiċċ nadif 
  10. Fuq id-dqiq ferrex il-coconut mixwi 
  11. Poġġi l-għaġina fuq il-wiċċ u iftaħha 
  12. Uża dixx ta' 23 ċm b'qiegħ li jinqala' 
  13. Dellek id-dixx bil-butir jew marġerina
  14. Irrombla l-għaġina madwar il-lenbuba iksi d-dixx 
  15. Aqleb l-għaġina b'furketta 
  16. Neħħi ż-żejjed mit-truf iżda ħalli l-għaġina mdendla fuq ir-rimm tad-dixx
  17. Aħmi ġo forn ta' 160°C  għal 35 minuta
  18. Ħalliha tibred qabel ma tkompli 

Għall-Krema tal-coconut
Cocnut pie and strawberries without butter and less sugar Torta tal coconut u frawli bla butir u b inqas zokkor

  1. Saħħan l-ewwel 7 ingredjenti sakemm jagħlu fuq nar moderat u ħawwad
  2. Qabel ma jilħaq jagħli, żid it-taħlita tad-dqiq tal-qamħirrun u ħawwad sakemm jibda jagħli
  3. Neħħi minn fuq in-nar u ħawwad
  4. Ferragħ l-krema tal-coconut u ħalliha tibred ftit
  5. Żejjen bil-frawli qabel ma jibred il-mili
  6. Kessaħ fil-friġġ qabel ma tneħħi mid-dixx biex isservi

Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.