In-nagħniegħ huwa ħaxixa aromatika li nużawha ma’ platti differenti, imma l-aktar li nsibuha hija f’riċetti tal-ħut. Din iz-zalza toħloq bilanċ perfett meta sserviha mat-tonn bit-togħma partikolari tiegħu.
Ħin: siegħa u nofs
Isservi: 4 persuni
Ingredjenti:
- 600g tonn, maqtugħ fi ħxuna ta’ madwar 2 ċm
- 4 sinniet tewm, misħuqin
- Ponn weraq tan-nagħniegħ frisk
- Ponn tursin frisk, imqatta’
- Meraq ta’ nofs lumija
- 30 g prinjol (pine nuts)
- Żejt taż-żebbuġa
- Melħ u bżar mitħun frisk
Tħejjija:
- Fi skutella poġġi t-tewm, il-meraq tal-lumi, it-tursin, 100ml żejt taż-żebbuġa, melħ u bżar. Ħallat kollox u żid magħhom it-tonn. Dawwar it-tonn biex jinkesa bit-taħlita u ħallih jimmarina għal siegħa filwaqt li terġa’ ddawru kultant.
- Sadanittant ipprepara z-zalza. Itħan flimkien in-nagħniegħ, il-prinjol, melħ u bżar ma’ 200 ml żejt taż-żebbuġa bi blender sakemm isiru purè.
- Saħħan grilja u ixwi t-tonn miż-żewġ naħat sakemm jieħu l-kulur imma jkun għadu ftit roża fin-nofs.
- Poġġi l-biċċiet tat-tonn fuq il-platti u ferra’ fuqu z-zalza tan-nagħniegħ. Servi ma’ insalata mħallta.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
Would you like to read this recipe in English? Let us know in the comments section below!
