Ingredjenti:
- 8 biċċiet tat-tiġieġ li tiggosta bla għadam u bla ġilda
- Ftit żejt taż-żebbuġa
- Basla mqaxxra u mqattgħa
- Sinna tewm maħkuka
- 150 g faqqiegħ
- 120 g yoghurt
- 8 mgħaref krema light
- Kwart ta' kikkra nbid abjad
- Dqiq
- Tursin imqatta' għall-wiċċ
- Bżar mitħun frisk u melħ jekk trid
Tħejjija:
- Saħħan iż-żejt taż-żebbuġa ġo taġen.
- Għaddi l-biċċiet tat-tiġieġ mid-dqiq u aqli fuq żewġ naħat. Neħħi t-tiġieġ u fl-istess taġen sajjar il-basla. Żid il-faqqiegħ u t-tewm u sajjar. Żid l-inbid u sajjar għal ħames minuti. Fl-aħħar żid il-yoghurt u l-krema. Neħħi minn fuq in-nar u ħawwad. Poġġi l-biċċiet tat-tiġieġ ġoz-zalza. Ħalli kollox joqgħod għal 5 minuti qabel ma sservi. Żejjen il-wiċċ bit-tursin imqatta'.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.
