Il-ħwawar kapaċi jħollu u jorbtu riċetta. Id-dilemma mhijiex biss x'se titfa', iżda wkoll kemm se titfa', speċjalment jekk tixtieq tuża iktar minn ħaxixa aromatika waħda. Hemm ħxejjex aromatiċi, bħall-ħabaq frisk, li qisek qatt ma tista' titfa' żżejjed (u b'hekk twieled il-pesto), imma ħafna oħrajn għandhom togħma iktar qawwija u trid toqgħod attent kemm titfa' għaliex tista' tirrovina l-platt.
Din it-taħlita tipikament Taljana tgħaqqad l-iktar ħxejjex aromatiċi popolari flimkien. It-taħlita li tirriżulta tista' tużaha bl-istess miżura qisek qiegħed tuża ħaxixa waħda biss. Jekk m'intix ċert kemm titfa', dejjem ibda bi ftit inqas, wara ftit duq l-ikel, u itfa' ftit ieħor jekk ikun hemm bżonn.
Ingredjenti:
- 2 imgħaref ħabaq (basil)
- 2 imgħaref sagħtar (thyme)
- 2 imgħaref origanu (oregano)
- 2 imgħaref klin (rosemary)
- 2 imgħaref merqtux (marjoram)
Tħejjija:
- Ħallat l-ingredjenti kollha flimkien.
- Uża immedjatament jew żomm ġo kontenitur li ma jidħolx l-arja fih.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.