Riċetta: Spagetti karbonara bil-faqqiegħ (mushrooms)

Carbonara-with-kale-

L-għaġin karbonara huwa favorit ta’ ħafna. F’din ir-riċetta se nżidu miegħu l-faqqiegħ biex nibdlu, u fl-istess ħin inkunu qed inżidu wkoll ftit ħaxix ma’ dan il-platt spagetti.

Ħin: 30 minuta

Isservi: 4 persuni

Ingredjenti:

  • 400 g spagetti
  • 30 g butir
  • Basla kbira, imqattgħa rqiq
  • 100 g bacon, imqatta’
  • 300 g faqqiegħ, imnaddaf u mqatta’
  • 300 ml krema singla
  • 2 bajdiet
  • Dada tat-tiġieġ
  • 75 g ġobon Parmiġġan, maħkuk
  • Bżar mitħun frisk

 

Tħejjija:

  1. Għalli l-ispagetti f’borma kbira ilma bil-melħ sakemm isir al dente.
  2. Sadanittant, dewweb il-butir f’taġen kbir fuq nar moderat u qalli l-basla u l-bejken sakemm il-basla tibda tirtab, imbagħad żid ukoll il-faqqiegħ u farrak id-dada tat-tiġieġ. Kompli qalli sakemm jirtab il-faqqiegħ.
  3. Sadanittant, fi skutella ħabbat sew iż-żewġ bajdiet u żid magħhom il-krema u l-ġobon Parmiġġan, u ħabbat kollox sew flimkien.
  4. Saffi l-għaġin u żidu mal-faqqiegħ fit-taġen. Ħawwad u żid it-taħlita tal-bajd. Itfi n-nar u kompli ħawwad għal ftit sekondi sakemm tisħon iz-zalza sew mal-għaġin.
  5. Servi fil-pront bil-bżar mitħun frisk fil-wiċċ.

Ippruvajtha din ir-ricetta ta' spagetti karbonara bil-faqqiegħ? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know by commenting below and we'll have it translated for you!