Ingredjenti:
- nofs mgħarfa żejt
- 2 sinniet tewm imqattgħa
- Basla mdaqqsa mqattgħa
- 25 g faqqiegħ
- 20 g bacon imqatta'
- 50 g piżelli tal-friża jew tal-bott
- 350 g kapuljat tat-tiġieġ
- 400 g tadam tal-bott
- 2 kuċċarini rignu (oregano)
- werqa randa
- 125 ml inbid abajd
- 2 mgħaref kunserva
- 400 g spagetti
- melħ u bżar
- ġobon maħkuk fil-wiċċ
Tħejjija:
- Saħħan iż-żejt ġo taġen; żid il-basla u l-bacon u sajjar għal ftit minuti. Ħawwad. Żid it-tewm u l-kapuljat tat-tiġieġ . Ħawwad u sajjar. Żid il faqqiegħ . Wara żid l-inbid, ir-rignu u t-tadam. Żid il-werqa randa. Baxxi n-nar u sajjar għal 45 minuta; ħallih itektek.
- Żid il-kunserva, il-melħ u l-bżar u sajjar għal ħames minuti oħra.
- Sajjar l-ispagetti skont l-istruzzjonijiet tal-pakkett.
- Ħallat iz-zalza mal-ispagetti msajjar.
- Żejjen bit-tursin u l-ġobon maħkuk fil-wiċċ.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.
