Tista' tixtri l-laħam tal-fenek diġà kapuljat illum. Il-laħam tal-fenek huwa baxx mill-kolesterol u jagħmel zalza delizjuza.
Ingredjenti:
- Nofs mgħarfa żejt
- 2 sinniet tewm imqattgħa
- Basla mdaqqsa mqattgħa
- 25 g faqqiegħ imqatta'
- 50 g bacon imqatta'
- 350 g kapuljat tal-laham tal-fenek
- 400 g tadam tal-bott
- 2 kuċċarini origanu
- 125 ml inbid aħmar
- 2 mgħaref kunserva
- 400 g spagetti
- Melħ u bżar
- Parmeġġjan biex isservi.
Metodu:
- Saħħan iż-żejt ġo taġen; żid il-basla u l-bacon u sajjar għal ftit minuti. Ħawwad. Żid it-tewm u l-laħam tal-fenek. Ħawwad u sajjar. Żid il-faqqiegħ. Wara żid l-inbid, l-origanu u t-tadam. Baxxi n-nar u sajjar għal 45 minuta; ħallih itektek.
- Żid il-kunserva, il-melħ u l-bżar u sajjar għal ħames minuti oħra.
- Sajjar l-ispagetti skont l-istruzzjonijiet tal-pakkett.
- Ħallat iz-zalza mal-ispagetti msajjar.
- Fil-wiċċ itfa' ftit ġobon maħkuk bħall-parmeġġjan.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.