Riċetta: Soppa taz-zunnarija (karrotti) u l-għazz

Carrot-and-lentil-soup

Ingredjenti: 

  • 1 kg zunnarija mnaddfa u mqattgħa
  • Basla mqaxxra u mqattgħa
  • Sinna tewm, maħkuka
  • 120 g għazz oranġjo msajjar
  • Patata żgħira mqaxxra u mqattgħa
  • 100 g dadi tal-bacon imsajra u mqattgħa għall-wiċċ
  • 2 litri stokk tal-ħaxix.
  • Ftit tursin għall-wiċċ
  • Ftit żejt taż-żebbuġa
  • Bżar mitħun frisk u melħ jekk trid
  • 120 ml yoghurt
  • 2 mgħaref krema light

Tħejjija: 

  1. Poġġi ż-żejt taż-żebbuġa ġo borma u qalli l-basla fuq nar baxx. 
  2. Żid iz-zunnarija, il-patata u t-tewm. 
  3. Sajjar għal nofs siegħa. 
  4. Żid l-istokk. 
  5. Sajjar għal nofs siegħa. 
  6. Itħan billi tuża blender tal-elettriku. 
  7. Poġġi fuq nar baxx. 
  8. Żid il-yoghurt, il-krema light, ħawwad u sajjar.  
  9. Minuta qabel ma sservi żid l-għazz oranġjo msajjar. 
  10. Ħawwad u servi. 
  11. Żejjen il-wiċċ tas-soppa bit-tursin imqatta' u d-dadi tal-bacon.

Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.