Soppa mimlija li hija ideali bħala ikla għal matul il-ġimgħa. Il-faqqiegħ tista’ tħalltu għall-gosti tiegħek, imbasta ma jkunx qawwi ħafna fit-togħma.
Ħin: siegħa
Isservi: 6 persuni
Ingredjenti:
- Basla kbira, imqattgħa rqiq
- 4 sinniet tewm, imqattgħin
- 80 g butir
- 400 g faqqiegħ (mushrooms), imqatta’
- 2 iżkuk karfus ta’ barra bil-weraq b’kollox, imqatta’
- Karrotta kbira, imqaxra u mqattgħa rqiq
- 2 imgħaref tursin frisk, imqatta’
- Mgħarfa dqiq
- Litru stokk taċ-ċanga
- 150 g xgħir (barley)
- Niskata melħ oħxon
- Bżar mitħun frisk
- 80 g ġobon kefalotiri (tal-ħakk), maħkuk
Tħejjija:
- Saħħan il-butir f’kazzola baxxa u wiesgħa fuq nar moderat għal għoli.
- Żid il-basal u qallih sakemm jirtab u jsir trasparenti.
- Żid it-tewm u kompli qalli għal 2 minuti oħra.
- Żid ukoll il-faqqiegħ, il-karrotti, il-karfus u nofs it-tursin, u kompli qalli għal madwar 8 minuti jew sakemm il-ħaxix jibda jirtab.
- Żid id-dqiq u ħawwad tajjeb mal-ħaxix, imbagħad ferra’ wkoll l-istokk taċ-ċanga flimkien ma’ 500 ml ilma.
- Fl-aħħar żid ix-xgħir, niskata melħ u bżar mitħun frisk.
- Meta s-soppa tiftaħ tagħli ħawwadha, baxxi n-nar u tektek mgħotttija għal 40 minuta. Kultant erġa’ ħawwadha u jekk tkun ixxuttat wisq żidha ftit misħun.
- Servi fil-pront b’aktar tursin u ġobon kefalotiri fill-wiċċ.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!