Riċetta: Soppa tal-patata, bacon u kurrat

Riċetta: Soppa tal-patata, bacon u kurrat

Bħal dan iż-żmien tas-sena s-sopop jerġgħu jibdew deħlin fil-menù tal-gimgħa tagħna, wara sajf nevitaw kemm jista’ jkun l-ikel sħun, u l-ħaxix frisk fl-istaġun tiegħu jibda’ jkun aktar tari u bnin.

Ingredjenti

Għal 6 persuni

  • 6 listi ħoxnin bacon, imqatta’
  • 1 mgħarfa żejt taż-żebbuġa
  • 1 basla, imqatta’ rqiq
  • 2 zunnarijiet kbar, imqaxxrin u mqattgħin dadi
  • 2 kurratiet, il-partijiet il-bojod u ħodor ċari biss, imnaddfin u mqattgħin roti rqaq
  • 4 kikkri brodu tat-tiġieġa
  • 4 patatiet imdaqqsin, imqaxxrin u mqattgħin dadi
  • ¼ kuċċarina bżar cayenne
  • 100g ġobon cheddar, maħkuk oħxon

 

  1. F’borma fonda ixwi l-bejken sakemm jaqbad jiħmar sew; neħħih mill-borma u imsaħ il-borma minn xi grass b’karta tal-kċina.
  1. Fl-istess borma saħħan iż-żejt taż-żebbuġa fuq nar medju, żid il-basal u qalli għal 2 minuti. Żid iz-zunnarija u l-kurrat u qalli għal 2 minuti oħra; żid il-brodu tat-tiġieġa, il-patata u l-bżar cayenne. Meta tiftaħ tagħli baxxi n-nar, għatti l-borma u tektek għal 20-25 minuta, sakemm tirtab il-patata.
  1. Neħħi s-soppa minn fuq in-nar, żid il-bacon u l-ġobon cheddar u ħawwad.  Servi sħuna fi bwieqi fondi.

 

Ippruvajt din ir-riċetta?  Kif sibtha? Għidilna billi tħalli kumment hawn taħt.