Riċetta: Salsa ranchera – zalza tradizzjonali Messikana

By Tamorlan (Own work) [CC-BY-SA-3.0 (http://creativecommons.org/licenses/by-sa/3.0)], via Wikimedia Commons

Is-salsa ranchera hi tip ta' zalza Messikana tradizzjonali magħmula minn tadam imsajjar fil-forn, ċili, u ħwawar. Għandha konsistenza magħquda, bħas-soppa, u tipikament tisserva sħuna mat-tacos (klikkja hawn biex tara riċetta bis-salsa ranchera). Għalkemm ma fihiex bżar iswed, għandha xi ħaġa fit-togħma tagħha li tfakkrek fih.

By Tamorlan (Own work) [CC-BY-SA-3.0 (http://creativecommons.org/licenses/by-sa/3.0)], via Wikimedia Commons

Ingredjenti:

  • Ftit iktar minn kilo tadam (1,100g), bla żerriegħa u maqsum min-nofs          
  • Felfel serrano jew tnejn friski, għal min iħobb l-ikel jaħraq ħafna
  • Mgħarfa żejt taż-żebbuġa
  • Nofs basla safra, imqatta' rqiqa
  • Żewġ sinniet tewm, mitħun
  • Kuċċarina oregano frisk imqatta'
  • Nofs kuċċarina trab tal-kemmun (cumin)
  • Kuċċarina Worcestershire sauce
  • Nofs kuċċarina melħ

Tħejjija:

  1. Saħħan il-forn bis-setting "broil".
  2. Poġġi t-tadam u ċ-ċili f'dixx tal-aluminju, bil-qoxra 'l fuq. Ixwi sakemm jismaru u jinxtorbu, għal madwar 10 - 12-il minuta jew sakemm jirtabu. Aqleb it-tadam u ċ-ċili fi blender u ħawwad sakemm isir purée.
  3. Saħħan iż-żejt taż-żebbuġa f'kazzola fuq nar medju-għoli.
  4. Żid il-basal u t-tewm u sajjar sakemm jirtabu, għal madwar 2 - 3 minuti.
  5. Ħawwad magħhom l-oregano, il-kemmun u l-Worcestershire sauce.
  6. Żid il-purée tat-tadam u ħallih itektek sakemm iz-zalza tagħqad ftit u t-togħmiet jitħaltu, għal madwar 10 minuti.
  7. Roxx il-melħ għat-togħma.
  8. Servi maċ-ċips u l-ħaxix.