Riċetta: Ross bil-brunġiel u l-ħabaq (basil)

Riċetta: Ross bil-brunġiel u l-ħabaq (basil)

Din hija ikla delizjuża, ħafifa u ekonomika għal ikla ta' kuljum. Fis-suq dejjem insibu brunġiel ta' Malta. Meta nsib il-weraq tal-ħabaq frisk inħobb ħafna nżid ukoll ftit niexef għax jagħmel togħma itjeb fl-ikel.

Għandek bżonn:

Mgħarfa żejt
4 sinniet tewm
basla mdaqqsa
400 g ross
Werqa randa
4 mgħaref ħabaq frisk, imqatta' rqiq
1/4 ta' kuċċarina ħabaq niexef
8 werqiet ħabaq
Brunġiela mdaqqsa, imqattgħa kaxxi kaxxi
Melħ u bżar biex iżżejen il-wiċċ
Ġobon maħkuk għall-wiċċ
Tadam fil-landa

Il-Metodu:

Saħħan iż-żejt ġo taġen u sajjar il-basla u t-tewm fuq nar moderat. Żid il-brunġiel imqatta' kaxxi kaxxi u sajjar. Ftakar biex tħawwad spiss. Żid it-tadam u l-werqa randa u sajjar għal 20 minuta fuq nar baxx. Neħħi minn fuq in-nar.

Go borma oħra sajjar ir ross skont il pakett. Meta jsir neħħi l ilma. 

Neħħi l werqa tar randa.  Ħallat ir ross mat taħlita tal brungiel. Żid il ħabaq mqatta irqieq, melħ u bżar. Ħallat. Servi, ferrex ftit gobon maħkuk fil wiċċ u żejjen kull plat b żewg weraq tal ħabaq.

 

 Ippruvajt din ir-riċetta?  Kif sibtha? Għidilna billi tħalli kumment hawn taħt.