Ingredjenti
Għal 4 persuni
- 700g qargħa ħamra, imqattgħa dadi ta’ 2ċm
- 2 mgħaref żejt taż-żebbuġa
- 1 kurrata (leek), il-biċċa bajda u ħadra ċara, imnaddfa u mqattgħa għall-wisa’
- 2 sinniet tewm, misħuqin
- 100g weraq tal-ispinaċi tari
- 4 bajdiet
- 2 abjad tal-bajd
- 60ml ħalib
- 80g irkotta
- Ponn weraq tal-ħabaq frisk
- Bżar mitħun frisk
- Ħaxix imħallat tal-insalata, biex isservi
Metodu
- Saħħan il-forn għal temperatura ta’ 200°C. Iksi tilar bil-karta forn u poġġi l-qargħa ħamra fuqu. Roxx b’mgħarfa żejt taż-żebbuġa u l-bżar. Aħmi għal 25 minuta.
- Sadanittant saħħan mgħarfa żejt taż-żebbuġa f’taġen kbir. Żid il-kurrat u qalli għal 5 minuti. Żid it-tewm u qalli għal minuta oħra. Żid l-ispinaċi u ħawwad għal 3 minuti sakemm titbiel.
- Iksi dixx ċatt (26ċm x 16ċm) bil-karta forn. Ifrex il-qargħa ħamra u t-taħlita tal-kurrat fil-qiegħ tad-dixx.
- F’bieqja ħabbat flimkien il-bajd, l-abjad tal-bajd u l-ħalib. Ferra’ fuq il-qargħa ħamra u l-kurrat. Ifrex fuqhom l-irkotta u aħmi għal 20 minuta,sakemm il-quiche tiħmar u tintnefaħ. Ferrex il-ħabaq fil-wiċċ u servi ma’ insalata ta’ ħaxix imħallat.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.