Read this recipe in English: Heart-shaped biscuits in two colours
Gallettini forma ta’ qalb b’żewġ kuluri li ma jkollokx ‘qalb’ tikolhom. Jidhru ftit eleborati biex tagħmilhom imma mhux il-każ għax f’siegħa (u l-ħin biex tkessaħ) tkun għamilthom u ħmejthom, jekk mhux kilthom ukoll! Tista’ tħaffef il-proċess billi tuża żewġ form tal-gallettini flok tlieta.
Preparazzjoni: 50 minuta
Ħin totali: siegħa
Kwantità: 30
Ingredjenti:
- 60 g ċikkulata skura
- 325 g dqiq
- 175 g butir, temperatura tal-kamra
- Mgħarfa ħalib
- Kuċċarina u nofs trab tal-ħami (baking powder)
- Bajda
- 150 g zokkor fin (caster sugar) u aktar biex troxx
Ikollok bżonn: 3 forom tal-gallettini (biscuit cutters) forma ta' qalb: 8 cm, 5 cm and 2.5 cm.
Tħejjija:
- Poġġi ċ-ċikkulata ġo skutella fuq kazzola bil-misħun (banjumarija). Ħawwad sakemm iċ-ċikkulata tinħall. Neħħi l-iskutella minn fuq il-kazzola.
- Ġo skutella kbira ħawwad ħabbat flimkien, b’mixer tal-elettriku, id-dqiq, il-butir, il-ħalib, il-bajda u z-zokkor. Niżżel l-ingredjenti minn mal-ġenb tal-iskutella biex tkun ċerta li tħallat kollox.
- Tella’ nofs l-għaġina mill-iskutella u ffurmaha f’ballun b’idejk, geżwirha f’borża u poġġiha fil-friġġ għal sagħtejn.
- Itfa’ ċ-ċikkulata mal-għaġina li fadal fl-iskutella u ħawwadhom sakemm jitħalltu. Ifforma l-għaġina f’ballun b’idejk, geżwirha f’borża u poġġiha fil-friġġ għal sagħtejn.
- Idlek 2 tilari bil-butir u roxxhom bid-dqiq.
- Iftaħ l-għaġina l-bajda għal ħxuna ta’ 3 mm fuq wiċċ bi ftit dqiq.
- Bil-forma ta’ qalb ta’ 8 ċm, aqta’ l-għaġina u poġġi l-qlub fuq it-tilar ½ ċm ’il bogħod minn xulxin. Għaqqad il-fdalijiet tal-għaġna u erġa’ aqta’ minnha sakemm tispiċċa. Agħmel l-istess proċedura bl-għaġina taċ-ċikkulata fuq it-tieni tilar.
- Poġġi ż-żewġ tilari fil-friġġ għal 20 minuta. Saħħan il-forn għal temperatura ta’ 180°C.
- Bil-forma ta' 5 ċm aqta' qalb iżgħar għal kull gallettina kbira u waħħalhom f'xulxin: qalb żgħira taċ-ċikkulata f’dik ikbar bajda, u viċe versa.
- Erga' agħmel l-istess bil-forma ta' 2.5 cm sabiex ikollok qlub bi tlett kuluri f'kull gallettina.
- Roxx il-gallettini biz-zokkor u aħmi għal 10 minuti, sakemm jiħmaru.
Ippruvajtha din ir-riċetta? Għoġbitek? Għidilna billi tħalli kumment u r-rating tiegħek hawn taħt u agħfas share.
