Il-pulpettun, kemm taċ-ċanga, majjal, jew tiġieġ, huwa ħafif biex tippreparah u biex isservih. Huwa versatili wkoll għax li jibqa’ minnu tista’ tagħmlu sandwich jew bħal burger għal ikla ħafifa.
Preparazzjoni: 20 minuta
Ħin totali: siegħa u 35 minuta
Iservi: 6 persuni
Ingredjenti:
- 700 g ikkapuljat taċ-ċanga dejf (lean)
- 250 ml ħalib
- Mgħarfa Worchestershire sauce
- ½ kuċċarina salvja mnixxfa
- ½ kuċċarina origanu mnixxef
- Kuċċarina mustarda
- 2 sinniet tewm, imqattgħin
- Basla, imqattgħa rqiq
- Bajda
- 3 biċċiet qalba tal-ħobż, imqattgħin żgħar
- 125 ml ketchup jew barbeque sauce
- Melħ u bżar mitħun frisk
Tħejjija:
- Saħħan il-forn għal temperatura ta’ 180°C.
- Fi skutella kbira ħallat l-ingredjenti kollha flimkien, minbarra l-ketchup jew Worchestershire sauce.
- Idlek landa tal-ħobż (loaf tin) ta’ 13 ċm x 23 ċm, jew ekwivalenti tagħha, bi ftit żejt. Aqleb it-taħlita tal-laħam u llixxa l-wiċċ. Jekk m'għandekx landa ta’ dan it-tip tista’ tuża tilar jew dixx u tifforma l-pulpettun b-idejk.
- Ifrex il-ketchup jew Worchestershire sauce fil-wiċċ.
- Aħmi għal siegħa jew siegħa u kwart, sakemm il-pulpettun ikun sar kompletament minn ġewwa.
- Servi l-pulpettun imqatta’ ma’ ħaxix mgħolli.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
