Ingredjenti:
Għall-meatballs tal-majjal:
- 500 g kapuljat tal-majjal frisk
- kuċċarina bużbież, imfarrak
- kuċċarina kosbor, imfarrak
- kikkra u 1/2 ħafur
- kuċċarina paprika
- mgħarfa tursin imqatta' fin
- melħ u bżar
- bajda mħabbta
Għaz-zalza:
- kilo tadam, bejn wieħed u ieħor imqatta'
- basla
- sinna tewm kbira jew 4 żgħar
- kuċċarina żejt taż-żebbuġa
- kuċċarina ħwawar imħallta nixfin (mixed dried herbs)
- 1/4 ta' kuċċarina trab tal-bżar aħmar (ħalliha barra jekk ma tħobbx ikel pikkanti)
- 250 ml inbid aħmar
- melħ u bżar
- Tursin biex iżżejjen
- 200 g fażola (haricot jew navy, legumi msajra jew tal-bott)
- 2 werqiet randa
Tħejjija:
Għall-meatballs tal-majjal:
- Saħħan il-forn 200°C.
- Għaqqad l-ingredjenti kollha flimkien imma uża biss nofs kikkra ħafur (oats).
- Ifforma pulpetti żgħar.
- Ferrex il-bqija tal-ħafur fuq wiċċ ta' mejda nadifa u rembel il-pulpetti fuqu.
- Poġġi fuq trej tal-ħami miksi bil-kartaforn
- Aħmi għal nofs siegħa ġo forn jikwi.
Għaz-zalza:
- Saħħan iż-żejt fuq nar moderat u żid l-ingredjenti kollha flimkien mingħajr l-inbid.
- Sajjar għal ftit minuti, imbagħad żid l-inbid, u sajjar għal nofs siegħa fuq sħana baxxa sakemm il-basla tirtab. Tħallix iz-zalza tinxef u żid ftit ilma jekk ikun hemm bżonn. Neħħi minn fuq in-nar u ħallih jibred. Itħan iz-zalza billi tuża hand blender. Erġa' ibda saħħan. Żid il-fażola u warrab ftit biex iżżejjen id-dixx.
- Żid il-pulpetti.
- Żejjen bil-bqija tal-fażola u t-tursin.
- Servi.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.