Read this in English: Recipe: Apricot and coconut bars
Ir-riċetti tal-ħelu li m'għandhomx bżonn ħami huma popolari ħafna għax tagħmilhom fi ftit ħin biss mingħajr ma jkollok għalfejn tqabbad il-forn, u din hija waħda minnhom.
Ħin totali: 20 minuta, u ħin biex tkessaħ
Kwantità: 24
Ingredjenti:
- 100 g butir
- 200 ml ħalib magħqud (condensed milk)
- 375 g gallettini plain, imfarrkin
- 150 g berquq (apricots) niexef, imqatta’ rqiq
- 100 g ġewż tal-Indi mnixxef (dessicated coconut)
- 2 imgħaref meraq tal-lumi
Għall-ġelu:
- 50 g butir
- 3 imgħaref ilma jagħli
- Kuċċarina meraq tal-lumi
- 300 g zokkor tal-ġelu, mgħarbul (icing sugar)
Tħejjija:
- Dewweb il-butir f’kazzola fuq nar moderat.
- Żid il-ħalib magħqud u, kif jibda jagħli, baxxi n-nar u ħawwad għal 2 minuti. Neħħi l-kazzola minn fuq in-nar.
- Fil-kazzola żid ukoll il-gallettini, il-berquq u l-meraq tal-lumi. Ħawwad kollox sew.
- Aqleb it-taħlita f’dixx jew landa ta’ 30 ċm x 24 ċm, ifrixha u ppressaha mal-qiegħ. Daħħalha fil-friġġ għal mill-inqas sagħtejn sakemm tagħqad.
- Dewweb il-butir u ħalltu mal-ilma, meraq tal-lumi u żokkor tal-ġelu sakemm ikollok taħlita b’konsistenza lixxa.
- Ifrex it-taħlita fil-landa fuq dik tal-berquq.
- Qatta’ f’biċċiet u erfagħhom f’post frisk f’kontenitur li jingħalaq sew.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.