Il-larinġ mhux tajjeb biss biex tqaxxru u tieklu, imma huwa ingredjent tajjeb u versatili ma’ ħafna riċetti differenti; nużaw kemm il-qoxra, il-meraq u l-flieli ma’ riċetti b’laħmijiet differenti, sopop, eċċ., kif ukoll ma’ riċetti tal-ħelu.
Preparazzjoni: 50 minuta
Ħin totali: siegħa u 20 minuta
Kwantità: 20 biċċa
Ingredjenti:
- 180 g polenta
- 75 g lewż pur mitħun
- 110 g zokkor fin (caster sugar)
- 75 g dqiq
- Kuċċarina trab tal-ħami (baking powder)
- Qoxra maħkuka ta’ larinġa
- 125 ml żejt taż-żebbuġa
- 50 ml ħalib
- 75 ml jogurt naturali
- Bajda, imħabbta ħafif
Għax-xropp
- 110 g zokkor
- Qoxra maħkuka ta’ larinġa kbira
- Meraq ta’ larinġa kbira
Tħejjija:
- Saħħan il-forn għal temperatura ta’ 170°C. Idlek dixx ta’ 18 ċm x 28 ċm, b’għoli ta’ 3 ċm, biż-żejt. Iksi l-qiegħ bil-kartaforn.
- Fi skutella kbira ħallat il-polenta, il-lewż mitħun u z-zokkor fin. Għarbel id-dqiq u t-trab tal-ħami fuqhom u żid il-qoxra maħkuka tal-larinġa. Ħallat kollox flimkien sew .
- Ħabbat flimkien il-bajda, iż-żejt, il-jogurt u l-ħalib. Żid din it-taħlita mat-taħlita tal-polenta u ħawwad kollox flimkien sew.
- Ferra’ t-taħlita fid-dixx u llixxa l-wiċċ. Aħmi għal 20 minuta jew sakemm stikka li ddaħħal fin-nofs toħroġ nadifa. Ħalliha toqgħod għal 10 minuti.
- Sadanittant agħmel ix-xropp tal-larinġ:
- Ħallat flimkien iz-zokkor, il-qoxra u l-meraq tal-larinġa f’kazzola fuq nar baxx.
- Ħawwad għal 3-4 minuti sakemm jinħall iz-zokkor.
- Għolli ftit in-nar u tektek għal 2-3 minuti sakemm ix-xropp jibda jinġibed u jagħqad ftit.
- Tella’ s-slice fuq gradilja u qattagħha f’biċċiet kwadri.
- Poġġi l-biċċiet fuq platt u ferra’ fuqhom ix-xropp tal-larinġ.
- Servi dawn il-porzjonijiet sħan jew f’temperatura tal-kamra.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!