Riċetta: Pixxispad mixwi b’zalza ta’ ħjar u nagħniegħ

Grilled Swordfish and cucumber and mint sauce

Il-pixxispad f’din ir-riċetta huwa sempliċiment mixwi fuq grilja jew BBQ u t-togħmiet friski tal-ħjar u n-nagħniegħ jakkumpanjawh perfettament.

Ħin: 30 minuta

Isservi: 4 persuni

Ingredjenti:

  • Ħjara mdaqqsa, imqaxxra u mqattgħa biċċiet żgħar
  • Meraq ta’ nofs lumija
  • Niskata zokkor
  • 75 ml żejt taż-żebbuġa
  • 2 mgħaref nagħniegħ frisk, imqatta’
  • Nofs basla żgħira, imqattgħa rqiq ħafna
  • Melħ u bżar mitħun frisk
  • 4 dawriet (porzjonijiet) pixxispad bi ħxuna ta’ 2 ċm
  • Żejt taż-żebbuġa biex tidlek
  • Mgħarfa melħ oħxon

 

Tħejjija:

  1. Fi skutella ħallat flimkien il-ħjar, il-meraq tal-lumi u z-zokkor sakemm jinkesa l-ħjar, imbagħad żid ftit melħ u bżar, il-basla, in-nagħniegħ u ż-żejt taż-żebbuġa u erġa’ ħallat kollox sew.
  2. Saħħan grilja jew BBQ.
  3. Idlek tajjeb iż-żewġ uċuħ tal-pixxispad biż-żejt u roxx bil-melħ oħxon. Ixwi għal 3-4 minuti fuq kull naħa jew sakemm isir il-pixxispad.
  4. Servi fil-pront maz-zalza tal-ħjar.

Ippruvajtha din ir-ricetti ta' pixxispad mixwi? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know by commenting below and we'll have it translated for you!