Riċetta: Pitravi l-forn bit-‘tahini’

Riċetta: Pitravi l-forn bit-'tahini'

Il-pitravi huma delizjużi kemm nejjin, kemm fil-ħall ma' xi insalata, kif ukoll mgħollijin jew mixwijin, filwaqt li l-weraq ma jissajjarx iżda jiġi bblanċjat (ara taħt) u għandu togħma tixbah lil dik tal-ispinaċi. Hemm min isostni li l-pitravi jtuk ħafna saħħa u li huma tajbin għad-demm. B'din ir-riċetta tista' tagħmel platt bil-biċċiet kollha tal-pitravi flimkien ma' zalza magħmula mill-krema tal-ġulġlien. 

Ħin: 50 minuta

Isservi: 4 persuni

Enerġija: 137 kalorija kull porzjon

Ingredjenti:

  • 4 pitravi kbar 
  • Il-weraq tal-pitravi (madwar 350 g)
  • Melħ skont il-gosti
  • Tewma kbira mqattgħa
  • 1/4 ta' kikkra krema tal-ġulġlien (sesame tahini)
  • 2 -4 mgħaref meraq tal-lumi skont il-gosti
  • 2 -4 mgħaref tursin imqatta'

Tħejjija:

  1. Saħħan il-forn għal 220 °C.
  2. Qatta' l-weraq tal-pitravi minn mal-pitravi, neħħi ftit mill-qoxra billi tħokkhom b'sikkina.
  3. Poġġi l-pitravi ġo dixx tal-forn jingħalaq; żid madwar 1/2 ċm ilma, agħlaq id-dixx u sajjar għal madwar 45-60 minuta (skont il-kobor tal-pitravi) sakemm ikunu rtabu biżżejjed li tista' ttaqqabhom faċilment bil-ponta ta' sikkina. Neħħi mill-forn u ħallihom jibirdu ġod-dixx mgħotti.
  4. Xħin jibirdu, qaxxar il-pitravi u neħħi t-trufijiet. Qatta' roti roti.
  5. Għaddas il-weraq tal-pitravi ġol-ilma jagħli għal minuta biss u itfagħhom immedjatament ġol-ilma kiesaħ bis-silġ. Neħħi l-ilma sew billi tagħfashom b'idejk.
  6. Għaz-zalza, għaffeġ it-tewm mixwi ma' ftit melħ ġol-mehrież u l-lida (mortar and pestle). Poġġi ġo skutella u ħawwad it-tahini, imbgħad il-meraq tal-lumi bil-mod il-mod. It-taħlita se tibbies ftit. Żid 1/4 ta' kikkra ilma bil-mod il-mod sakemm it-taħlita ssir kremuża. Żid melħ jew lumi jekk hemm bżonn.
  7. Poġġi l-weraq tal-pitravi ġo platt kbir u l-pitravi fil-wiċċ biex isservi. Ferragħ t-taħlita tat-tahini fil-wiċċ u ferrex ftit tursin qabel isservi.

 Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.