Deżerta ħafifa u ta’ malajr. Din ir-riċetta ta’ ananas (pineapple) mixwija bit-togħmiet tajba tal-kannella u l-għasel hija adattata wara kwalunkwe ikla, imma speċjalment wara xi ikla tqila. Magħha tista’ sservi krema mħabbta jew ġelat tal-vanilla.
Preparazzjoni: 15-il minuta
Ħin totali: 25 minuta
Isservi: 4 persuni
Ingredjenti:
- 4 roti ta’ 2 ċm ħxuna ta’ ananas (pineapple) friska
- 4 kuċċarini zokkor muscovado
- 4 kuċċarini għasel
- Kuċċarina trab tal-kannella (cinnamon)
- Weraq tan-nagħniegħ frisk
Tħejjija:
- Aqta’ barra l-biċċa tan-nofs ta’ kull rota ananas, u ara li ma jkunx fadal biċċiet skuri ibsin fit-truf.
- Saħħan grilja tajjeb u ixwi r-roti għal madwar 5-6 minuti fuq kull naħa.
- Poġġi l-ananas fuq platti individwali u roxx biz-zokkor, imbagħal bl-għasel.
- Għarbel ftit kannella fuq kull waħda u servihom sħan bil-weraq tan-nagħniegħ fuqhom.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
