Riċetta: Penne bil-ħwawar, brunġiel u ġbejna friska

Din hija riċetta semplici ħafna u li, fl-istess ħin, tiġi tajba ħafna. Inħobb inżid il-ħwawar friski u kull meta nuża n-nagħniegħ frisk dejjem inżid niskata nagħniegħ niexef għax jagħti iktar togħma.

Għal din ir-riċetta għandek bżonn:

  • 1 brunġiela mqatta'
  • 2 bottijiet tadam, jew 8 friski
  • mgħarfa kunserva
  • ġbejna friska mqatta' biċċiet
  • nofs imgħarfa żejt
  • sinna tewm maħkuk
  • mgħarfa ħabaq frisk, imqatta'
  • mgħarfa nagħniegħ frisk, imqatta'
  • mgħarfa tursin, imqatta' 
  • nofs kuċċarina nagħniegħ, niexef
  • ftit bżar u melħ

Metodu

Itfa' ż-żejt ġo taġen u sajjar il-brunġiel.

Żid it-tewm u t-tadam, żid ftit melħ u bżar u ħalli z-zalza ttektek fuq nar baxx għal 15-il minuta. 

Żid il-kunserva, sajjar għal 5 minuti. Neħħi min fuq in-nar u żid il-ħwawar. Ħawwad.

Ġo borma għalli l-għaġin. Saffi l-ilma u l-ħwawar maz-zalza tal brunġiel. Itfa' l-biċċiet tal-ġbejna friska fil-wiċċ u żejjen bin-nagħniegħ jew ħabaq. Servi.