Riċetta: Patata l-forn bil-lumi

Potatoes in oven with lemon: Patata l-forn bil-lumi

Riċetta ftit differenti ta’ patata l-forn bil-lumi, adattata ħafna għal ma’ kwalunkwe laħam, tjur jew ħut, imma speċjalment għal mal-ħaruf.

Preparazzjoni: 10 minuti

Ħin totali: 50 minuta

Isservi: 6 persuni

Ingredjenti:

  • 1.5 kg patata safra, maħsula sew u maqsuma f’biċċiet ta’ gidma
  • 2 werqiet tar-rand
  • Lumija, maqsuma min-nofs u mqattgħa rqiq
  • 60 ml meraq tal-lumi
  • 2 imgħaref żejt taż-żebbuġa
  • Kuċċarina origanu mnixxef
  • Ponn tursin frisk, imqatta’

Tħejjija:

  1. Saħħan il-forn għal temperatura ta’ 180°C. Iksi dixx kbir bil-kartaforn.
  2. Fi skutella kbira ħallat flimkien l-ingredjenti kollha minbarra t-tursin.
  3. Ifrixhom f’saff wieħed fid-dixx u aħmihom għal 40 minuta jew sakemm il-patata tiħmar. Aqleb darba jew darbtejn waqt is-sajran.
  4. Servi l-patata sħuna bit-tursin imferrex fil-wiċċ.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!