Din ir-riċetta li nuża hija ta' Renato Briffa, għalliem l-ITS u speċjalist tal-ħelu Malti. Fir-ritratt jidhru l-pastini li għamilt flimkien ma' Renato.
Ingredjenti:
- 300 g zokkor
- 300 g lewż pur mitħun
- lumija maħkuka
- larinġa maħkuka
- 3 qatriet vanilja
- 2 abjad tal-bajd
- ċirasa maqsuma min-nofs għall-wiċċ
Tħejjija:
- Ħallat iz-zokkor, il-lewż, il-qoxra taċ-ċitru u l-vanilja u tih l-abjad tal-bajd, it-taħlita trid tiġi li tkun tista' tippajpjaha bil-bokkin stilla.
- Ipprepara reċipjent b'kartastrazza u ppajpja pastina fejn pastina, u agħmel nofs ċirasa fuq kull waħda.
- Preferibbilment ippreparahom ġurnata qabel u aħmihom f'temperatura ta' 175 °C jew Gas Mark 7 sakemm isiru kulur id-deheb (jiħmaru ftit).
Ritratt minn James Bianchi
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.