Ingredjenti
Għal 32 pastina
- 1 ½ kikkri dqiq
- ½ kikkra kokotina (Cadbury Cocoa Powder)
- 1 kuċċarina trab tal-ħami (baking powder)
- ½ kikkra butir, temperatura tal-kamra
- ½ kikkra zokkor
- ½ kikkra zokkor ismar
- ¼ kikkra butir tal-karawett (peanut butter)
- 1 bajda, imħabbta ħafif
- 1 mgħarfa ħalib
- ½ kuċċarina essenza tal-vanilla
- ¾ kikkra zokkor tal-ġelu, mgħarbul
- ½ kikkra butir tal-karawett
- 2 mgħaref zokkor
Metodu
- Għarbel u ħallat flimkien id-dqiq, il-kokotina u t-trab tal-ħami.
- F’bieqja kbira ħabbat il-butir, ½ kikkra zokkor, iz-zokkor ismar, u ¼ kikkra butir tal-karawett. Żid il-bajda, il-ħalib u l-vanilla u kompli ħabbat. Żid bil-mod it-taħlita tad-dqiq sakemm tagħqad, imbagħad kompli agħġen it-taħlita b’idejk. Minnha fforma 32 ballun.
- F’bieqja oħra ħabbat iz-zokkor tal-ġelu u ½ kikkra butir tal-karawett sakemm isiru qishom għaġina. Aqsam it-taħlita fi 32 ballun żgħir.
- Saħħan il-forn għal temperatura ta’ 180°C.
- Biex tgħaqqad il-pastini, iċċattja l-blalen wieħed wieħed bil-pala ta’ jdejk, u fin-nofs poġġi ballun tal-karawett. Tella’ l-għaġina taċ-ċikkulata madwar il-ballun tal-karawett, agħlaq l-għaġina taċ-ċikkulata sew b’subgħajk u rrumblaha bejn il-pali ta’ jdejk biex tifforma ballun. Irrepeti sakemm ikollok 32 ballun mimli.
- Poġġi fuq tilari miksijin bil-karta forn bi spazju ta’ 3ċm bejn xulxin. Iċċattja ftit il-blalen bil-qiegħ ta’ tazza li tkun billejt fiż-żewġ mgħaref zokkor. Aħmi għal 8 minuti jew sakemm jibda jinqasam il-wiċċ. Ħalli l-pastini fit-tilar għal minuta, imbagħad poġġihom fuq gradilja biex jibirdu.
Ippruvajt din ir-riċetta? Kif sibtha? Għidilna billi tħalli kumment jew ir-rating hawn taħt u agħfas share.