Din ir-riċetta ta’ pastard biz-zalza tal-ġobon hija ideali bħala akkumpanjament ta’ xi biċċa laħam mixwija, u hija tajba biżżejjed biex tittiekel waħidha wkoll.
Ingredjenti
Għal 4 persuni
- ½ il-kwantità tar-riċetta tal-bexamella
- 2 kikkri ġobon Gruyere jew ġobon tal-ħalib tal-mogħoż, imfarrak
- ½ kuċċarina mustarda Dijon
- ½ kuċċarina Worchestrshire sauce
- Niskata bżar cayenne
- Pastarda kbira, miftuħa fjuri fjuri
- 3 mgħaref żejt taż-żebbuġa ekstra verġni
- Melħ oħxon u bżar mitħun frisk
- Agħmel il-bexammella (nofs il-kwantità tar-riċetta). Ħalliha tibred għal 10 minuti, imbagħad ħabbat magħha l-ġobon, il-mustarda. il-Worchestershire sauce u l-bżar cayenne. Għatti u ħalli z-zalza tal-ġobon għas-sħana.
- Saħħan il-forn għal temperatura ta’ 230°C.
- Dawwar il-fjuri tal-pastard fiż-żejt u ifrixhom fuq tilar. Roxxhom bil-melħ u l-bżar.
- Ixwi għal 20 minuta, sakemm jibdew jirtabu imma ma jitgħaffġux. Aqlibhom meta jkun għadda nofs il-ħin tagħhom fil-forn.
- Servi l-pastard miksi biz-zalza tal-ġobon.
Ippruvajt din ir-riċetta? Kif sibtha? Għidilna billi tħalli kumment hawn taħt.