Riċetta: Muffins tal-banana u coconut bla zokkor u bla żjut jew butir

Banana coconut muffins (Photo: Flickr/ eatme_delicious

 (Ritratt: Flickr: eatme_delicious)

Riċetta ħafifa oħra ta' malajr. Dawn huma delizzjużi u tajbin ukoll bħala kolazzjon.  

Ingredjenti: 

  • 3 imgħaref stevia
  • Mgħarfa ħafur (oats)
  • 3 bajdiet
  • 2 bananiet misjurin u mgħaffġin
  • bott yoghurt
  • 200g dqiq self raising
  • Kuċċarina bikarbonat
  • Essenza tal-vanilla
  • Nofs kuċċarina trab tan-noce moscata
  • 100 g  coconut 

Tħejjija:

  1. Ħawwad il-banana, il-bajd u l-yoghurt flimkien. 
  2. Żid il-vanilla u n-noce muskata. 
  3. Żid l-istevia u ħawwad sew.
  4. Għarbel id-dqiq.
  5. Żid id-dqiq, il-coconut, il-ħafur u l-bikarbonat u ħawwad ftit, mhux ħafna, bi mgħarfa tal-metall. 
  6. Lesti l-muffin cases u ferragħ t-taħlita.
  7. Aħmi għal madwar 15-il minuta b’temperatura ta’ 160°c.

Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.

Would you like to read this recipe in English? Let us know in the comments section below!