Ingredjenti:
- Minn 3 sa 6 bżariet ħomor (chilis), skont kemm tħobb iz-zalza taħraq
- 3 sinniet tewm
- 2 kuċċarini ġinġer maħkuk
- 2 basliet imqaxxrin u mqattgħin biċċiet irqaq
- nofs kikkra żejt
- nofs kuċċarina żerriegħa tal-kemmun (cumin seeds)
- nofs kuċċarina melħ
- nofs kuċċarina żagħfran (tumeric)
- nofs kuċċarina trab tal-bżar aħmar
- kwart ta' kuċċarina bużbież
- kwart ta' kuċċarina msiemer tal-qronfol
- kwart ta' kuċċarina garam masala
- nofs kuċċarina bżar
- 4 werqiet rand
- kwart ta' kuċċarina kannella (cinnamon)
- 4 kardamonu (cardamon)
- 2 bottijiet tadam
Tħejjija:
- Ġo blender poġġi l-basal, il-bżar aħmar, it-tewm u l-ġinġer flimkien u ħallat sakemm isiru paste.
- Poġġi l-bużbież, il-bżar, il-kardamonu u l-imsiemer tal-qronfol ġo taġen fuq nar għoli u ħallat (dan jgħidulu dry roast).
- Poġġi dawn l-ingredjenti ġo blender jew grinder u ħallat sa ma jsiru trab.
- Ġo taġen, saħħan iż-żejt. Żid il-kemmun, ir-rand u l-kannella.
- Żid it-taħlita li għandek fuq il-liquidizer u baxxi n-nar.
- Ħallih fuq nar baxx għal 20 minuta u mbagħad żid it-trab tal-ħwawar.
- Għaddi t-tadam mill-blender u ġo taġen żid kollox flimkien u sajjar fuq nar baxx għal 40 minuta. Żid l-ilma jekk għandek bżonn.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.
