Riċetta: Koxox tat-tiġieġ bil-lanġas u l-qastan

Recipe Chicken thighs with pears and chestnuts Riċetta Koxox tat-tiġieġ bil-lanġas u l-qastan

Fl-istaġun insisbu kemm il-lanġas kif ukoll il-qastan, li flimkien mat-togħma tal-port joħolqu palat uniku għal dan il-platt perfett f’dawn iż-żminijiet tas-sena.

Ħin: siegħa u 10 minuti

Isservi: 4 persuni

Ingredjenti:

  • 2 lanġasiet, maqsumin f’erbgħa għat-tul
  • 100ml port
  • 1 mgħarfa zokkor ismar
  • Żejt veġetali, biex taqli
  • 350g qastan imqaxxar
  • 2 mgħaref żejt taż-żebbuġa
  • 4 koxox tat-tiġieġ kbar
  • 100ml stokk tat-tiġieġ
  • 1 mgħarfa klin (rosemary) frisk, imqatta’
  • Melħ u bżar mitħun frisk

 

Metodu:

  1. Saħħan il-forn għal temperatura ta’ 200°C. Ħallat flimkien il-lanġas, iz-zokkor ismar u l-port f’bieqja.
  2. Imla ⅓ ta’ kazzola fonda biż-żejt veġetali u saħħnu għal temperatura li meta titfa’ farka ħobż fiż-żejt, din tibda tfexfex u tiħmar wara ftit sekondi. Agħmel qasma f’kull qastna u aqlihom għal madwar 8 minuti, jew sakemm il-qastan jiħmar. Tella’ l-qastan miż-żejt b’mgħarfa mtaqqba u poġġihon fuq karti tal-kċina biex joqtru miż-żejt.
  3. Saħħan iż-żejt taż-żebbuġa f’taġen jew reċipjent li jidħol ukoll fil-forn. Poġġi l-koxox tat-tiġieġ bil-ġilda ’l isfel fit-taġen u sajjarhom għal 3-4 minuti fuq kull naħa. Neħħihom mit-taġen u poġġihom fuq platt. Saffi l-lanġas mill-port u aqlihom fl-istess taġen għal 2 minuti, imbagħad erġa’ poġġi l-koxox fit-taġen u żid il-port, il-qastan, l-istokk tat-tiġieġ, il-klin, u melħ u bżar. Ħalli t-taħlita tiftaħ tagħli.
  4. Daħħal it-taġen jew reċipjent fil-forn u aħmi għal 30-35 minuta jew sakemm il-koxox ikunu saru kompletament u z-zalza tibda tagħqad.

 
Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.