Riċetta: Koxox tat-tiġieġ biċ-ċiċri

Chicken with chickpeas

Kulma għandek bżonn biex isservi dan il-platt ta' koxxox tat-tiġieġ huwa ftit ħobż frisk u xi tazza nbid tajba, għax iz-zalza taċ-ċiċri hija biżżejjed biex isservi bħala kontorn minnha nnifisha.

Ħin: siegħa u 15-il minuta

Isservi: 4 persuni

Ingredjenti:

  • 8 koxox tat-tiġieġ jew 4 saqajn sħaħ, bil-ġilda
  • Mgħarfa żejt taż-żebbuġa
  • 2 basliet, imqattgħin flieli
  • 4 sinniet tewm, imqattgħin
  • Kuċċarina żerriegħa tal-kemmun (cumin)
  • Kuċċarina żerriegħa tal-kosbor (coriander)
  • Kuċċarina paprika
  • Bott ta’ 400 g ċiċri, imsaffija u mlaħalħa
  • 30 ml stokk tat-tiġieġ, jaħraq
  • 3 mgħaref yoghurt Grieg
  • 2 mgħaref kosbor frisk jew tursin frisk, imqatta’
  • Melħ u bżar mitħun frisk

 

Tħejjija:

  • Saħħan iż-żejt f’taġen kbir u aqli l-biċċċiet tat-tiġieġ minn kull naħa sakemm jieħdu l-kulur. Tellagħhom u qegħedom fuq platt għal aktar tard.
  • Fl-istess taġen qalli l-basla sakemm tirtab. Sadnittant itħan jew farrak iż-żrieragħ tal-kemmun u tal-kosbor u żidhom flimkien mat-tewm fit-taġen ukoll, u kompli qalli għal ftit minuti oħra.
  • Żid iċ-ċiċri, bżar u melħ u l-istokk, għolli n-nar u, kif it-taħlta tibda tagħli, poġġi l-biċċiet tat-tiġieġ ħdejn xulxin fit-taġen. Baxxi n-nar u tektek mikxuf għal 15-20 minuta, jew sakemm it-tiġieġa ssir sew.
  • Ferrex il-yoghurt fill-wiċċ u ħawdu bil-mod mingħajr ma tħallih jagħli.
  • Servi t-tiġieġ biċ-ċiċri u bit-tursin jew kosbor imqatta’ mferrex fil-wiċċ.

Ippruvajtha din ir-ricetta ta' koxox tat-tiġieġ biċ-ċiċri ? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.