Jekk illum se ssajjar xi tiġieġa mixwija, ċanga jew ħut, ipprova din ir-riċetta ta’ basal mixwi bil-klin għal mal-platt prinċipali.

Ingredjenti

Għal 4 persuni

• 3 basliet imdaqqsin mill-ħomor
• 2 mgħaref żejt taż-żebbuġa ekstra verġni
• 3 friegħi żgħar klin
• ½ kuċċarina ħall tal-inbid abjad

Metodu

1. Saħħan il-forn għal temperature ta’ 230°C.
2. Mingħajr ma tqaxxar jew taqta’ t-truf tal-basal, aqsam kull waħda f’erbgħa.
3. Ħallat il-basal maż-żejt u l-klin sakemm il-basal jinkesa biż-żejt.
4. Poġġi l-basal fuq tilar, il-parti l-maqtugħa ’l isfel. Ixwi mingħajr ma ddawwarhom sakemm il-basal jiħmar mill-qiegħ, madwar 15-il minuta.
5. Dawwarhom fuq il-wiċċ l-ieħor u ixwi għal 5 minuti oħra, sakemm jirtab il-basal.
6. Poġġi l-basal fil-platt li se sservi fih u roxx bil-ħall tal-inbid abjad.

 Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.