Riċetta: Kif tista’ tagħmel it-taħlita tal-ħwawar Marokkina ‘Ras El Hanout’

Picture taken by Daniel Battiston. From freeimages.com

Din hija riċetta tal-ħwawar tipikament Marokkina li tfisser "tal-aqwa kwalità." Tista' tużaha f'diversi riċetti għax fiha taħlita ta' ħwawar tassew interessanti u versatili.

Ingredjenti:

  • Kuċċarina trab taż-żagħfran ta’ l-Indja (ground turmeric)
  • Kuċċarina trab tal-kannella (ground cinnamon)
  • 2 kuċċarini żrieragħ tal-coriander
  • 1 1/2 kuċċarini żrieragħ tal-kemmun
  • 1/2 kuċċarina żrieragħ tal-kardamomu
  • 1/2 kuċċarina żrieragħ tal-bużbież
  • 1/2 kuċċarina bżar iswed sħiħ
  • 1/2 kuċċarina allspice
  • 1/2 kuċċarina paprika

Tħejjija:

  1. Ixwi ż-żrieragħ u l-bżar iswed ġo taġen bil-qiegħ tqil għal minuta.
  2. Itħan iż-żrieragħ u l-bżar iswed f'mehrież u lida (mortar and pestle) jew f'għodda tat-tħin mekkaniku.
  3. Ħallat il-kumplament tal-ħwawar.
  4. Itħan kollox flimkien sakemm isir ħaġa waħda.

Żomm it-taħlita ġo kontenitur li ma tidħolx l-arja fih biex iżomm għal xahar.

 

Jekk tixtieq tipprova riċetta bil-qargħa bit-taħlita tal-ħwawar Ras El Hanout ikklikkja hawn.