Riċetta: Kejk tat-tuffieħ u l-yoghurt

Apple cake

Dan il-kejk huwa bla butir u b'inqas zokkor. Tagħmlu ta' malajr.

Ingredjenti:

  • żewġ kikkri yoghurt
  • kikkra żejt taż-żebbuġa
  • larinġa magħsura
  • żewġ kikkri zokkor
  • ħames bajdiet
  • ħames kikkri dqiq self-raising
  • kuċċarina trab tal-ħami
  • nofs kuċċarina baking soda
  • kuċċarina kannella
  • kwart ta’ kuċċarina trab tal-ġinġer
  • qoxra ta’ larinġa maħkuka
  • kwart ta' kuċċarina noċemuskata
  • tliet tuffiħat
  • trab tal-kannella biex troxx fil-wiċċ qabel ma taħmi
  • mgħarfa għasel biex iżżejjen il-wiċċ

Tħejjija:

  1. Saħħan il-forn fuq 160°C. Dellek dixx kwadru kbir biż-żejt u iksi l-qiegħ bil-kartaforn.
  2. Ħabbat il-yoghurt, iż-żejt taż-żebbuġa, iz-zokkor, il-bajd u l-vanilja sakemm it-taħlita tidher konsistenti. Żid id-dqiq, it-trab tal-ħami, il-baking soda, il-qoxra tal-larinġa u l-ħwawar fit-taħlita tal-bajd u ħallat kollox flimkien b’mgħarfa kbira tal-metall.
  3. Itfa’ t-taħlita f'dixx bit-tuffieħ imqatta’ roti fil-wiċċ. Roxx ftit trab tal-kannella u aħmi ġol-forn għal 45 minuta.
  4. Qabel ma jiksaħ il-kejk uża pinzell biex iddellek ftit għasel fil-wiċċ biex jiġi jleqq.

Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.