Riċetta: Kejk tal-cranberries, ta’ taħt fuq

Recipe: Upside down cranberry cake Riċetta: Kejk tal-cranberries, ta’ taħt fuq

Din hija l-verżjoni ta’ żmien il-Milied tal-upside down cake, li soltu naraw bil-lanġas jew bl-ananas (pineapple). Biex nagħtuh xejra festiva se nibdlu dan il-frott mal-cranberries, li jagħtu lil dan il-kejk dehra mill-isbaħ bil-kulur vivaċi tagħhom.

Ingredjenti

Għal 6-8 porzjonijiet

Għall-wiċċ:

  • ¾ kikkra ppakkjata zokkor ismar
  • ¼ kikkra butir mingħajr melħ
  • 350g cranberries friski jew iffriżati

Għall-kejk:

  • 1 ¾ kikkra dqiq
  • 2 kuċċarini baking powder
  • ½ kuċċarina melħ
  • ½ kuċċarina ġinġer mitħun
  • ¼ kuċċarina trab tal-kannella
  • ¼ kuċċarina msiemer tal-qronfol, mitħunin
  • 1 ½ kikkra zokkor
  • ½ kikkra butir f’temperatura tal-kamra, u aktar biex tidlek il-landa
  • 1 mgħarfa qxur tal-larinġ maħkuk
  • ½ kikkra jogurt Grieg
  • ¼ kikkra ħalib
  • 3 bajdiet kbar

 

Metodu

  1. Idlek il-qiegħ ta’ landa ta’ 23ċm sew bil-butir.
  2. F’kazzola żgħira poġġi ¼ kikkra butir u z-zokkor ismar u saħħanhom fuq nar medju. Ħawwad sakemm jinħall il-butir, imbagħad ħallih itektek għal 15-il sekonda mingħajr ma tħawwad.
  3. Ferra’ t-taħlita fil-landa ppreparata u ifrex il-cranberries fuq it-taħlita.
  4. Saħħan il-forn għal temperatura ta’180°C. Ħallat flimkien id-dqiq , il-trab tal-ħami, il-melħ, it-trab tal-kannella, il-ġinġer u l-imsiemer tal-qronfol f’bieqja.
  5. F’bieqja oħra ħabbat b’ħabbata tal-elettriku iz-zokkor u l-butir sakemm ikollok taħlita ħafifa. Żid il-bajd waħda waħda, imbagħad żid il-qxur tal-larinġ.
  6. Ma’ din it-taħlita żid ⅓ tal-ingredjenti xotti, ħabbat, u żid nofs il-jogurt. Żid ⅓ ieħor mill-ingredjenti xotti, ħabbat u żid it-tieni nofs tal-jogurt. Fl-aħħar żid l-aħħar tal-ingredjenti xotti u l-ħalib.
  7. Ferra’ t-taħlita tal-kejk fuq il-cranberries u llixxa l-wiċċ. Poġġi l-landa fil-forn u baxxi n-nar għal 160°C. Aħmi għal 55 minuta, jew sakemm stikka li ddaħħal fin-nofs tal-kejk toħroġ nadifa. Ħalli l-kejk jibred fil-landa għal 10 minuti. Dawwar sikkina mad-dawra ta’ bejn il-kejk u l-landa u aqleb il-kejk għal fuq platt.

 
Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.