Għal min irid inaqqas ix-xaħmijiet ħżiena mid-dieta tiegħu imma ma jistax jgħaddi mingħajr ma jiekol xi biċċa kejk taċ-ċikkulata, dan il-kejk huwa s-soluzzjoni għalih. Minflok butir jew marġerina dan il-kejk fih żejt taż-żebbuġa.
Preparazzjoni: 20 minuta
Ħin totali: siegħa
Isservi: 12-il persuna
Ingredjenti:
- 2 bajdiet
- 215 g zokkor fin (caster sugar)
- ½ kuċċarina essenza tal-vanilla
- 150 g dqiq self-raising
- 50 g dqiq plain
- 50 g kokotina
- 160 ml żejt taż-żebbuġa
- 60 ml ħalib xkumat
- Kokotina biex tgħarbel
Tħejjija
- Saħħan il-forn għal temperatura ta’ 180°C. Idlek landa kwadra ta’ 19 ċm bi ftit żejt taż-żebbuġa u iksiha minn ġewwa bil-kartaforn.
- Ħabbat il-bajd b’ħabbata tal-elettriku sakemm jiċċara fil-kulur u jsir kremuż. Żid l-essenza tal-vanilla, ħabbat, u ferra’ l-bajd fi skutella kbira.
- Għarbel id-dqiq self-raising, id-dqiq plain u l-kokotina flimkien u żidhom ftit ftit mal-bajd billi ddaħħalhom b’mgħarfa bil-mod (fold-in).
- Żid iż-żejt taż-żebbuġa u l-ħalib u daħħalhom fit-taħlita bl-istess mod, mingħajr ma tħawwad iżżejjed.
- Aqleb it-taħlita tal-kejk fil-landa ppreparata u llixxa l-wiċċ. Aħmi għal 35-40 minuta, jew sakemm stikka li ddaħħal fin-nofs tal-kejk toħroġ xotta.
- Ħalli l-kejk fil-landa għal 10 minuti qabel toħorġu fuq gradilja biex jibred sew. Għarbel il-kokotina fil-wiċċ qabel isservih.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!