Riċetta: Kejk f’mug f’seba’ minuti

Mug cake

M’għandekx ħin biex tagħmel deżerta jew għandek aptit xi ħaġa tajba ta’ malajr? Mela din hija r-riċetta għalik – lesta f’seba’ minuti!

Preparazzjoni : 5 minuti

Ħin totali: 7 minuti

Isservi: persuna

Ingredjenti:

  • 35 g dqiq self-raising
  • Mgħarfa kawkaw, u aktar biex tgħarbel
  • Niskata melħ
  • 1½ mgħarfa zokkor ismar
  • Bajda
  • 2 imgħaref ħalib
  • Mgħarfa butir imdewweb
  • Ftit qtar essenza tal-vanilla

Tħejjija:

  1. Għarbel id-dqiq, il-kawkaw u l-melħ fi skutella żgħira, u ħallat magħhom iz-zokkor.
  2. Fi skutella oħra ħabbat flimkien il-bajd, il-ħalib, il-butir u l-vanilla.
  3. Żid din it-taħlita mat-taħlita x-xotta u ħallathom flimkien b’furketta mingħajr ma tħawwad iżżejjed.
  4. Poġġi t-taħlita f’magg ta’ 500 ml. Poġġih fil-microwave fuq ‘għoli’ għal 70-90 sekonda, jew sakemm il-kejk ikun għola sew.
  5. Għarbel aktar kawkaw fil-wiċċ u servi fil-pront.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!