Riċetta: Kejk bla butir u bla zokkor

Riċetta: Kejk bla butir u bla zokkor

Read this recipe in English: Cake with no butter and no sugar

Dan hu kejk tajjeb għas-saħħa għax ma fihx żejt, butir jew zokkor. Jiġi delizjuż u jekk iżżommuh f'kontenitur, idum għaxart ijiem tajjeb.

Ingredjenti:

  • 250 g tamal imqatta’
  • 100 g cranberries
  • 200 ml ilma fietel
  • 125 g dqiq self-raising
  • 200 g ġellewż
  • żewġ bajdiet imħabbtin
  • 1⁄4 ta' kuċċarina msiemer tal-qronfol
  • 1⁄4 ta' kuċċarina kannella
  • Niskata mixed spice
  • Qoxra maħkuka u meraq ta’ larinġa ta’ Malta jew mandolina
  • Qoxra ta’ nofs lumija maħkuka
  • Mgħarfa lewż imfarrak

Ikollok bżonn: landa tal-forn (dijametru ta’ 23 ċm)

Tħejjija:

  1. Xarrab it-tamal fl-ilma fietel għal siegħa.
  2. Iksi l-landa  bil-kartaforn. 
  3. Mat-tamal u l-ilma żid id-dqiq, il-ġellewż, il-bajda mħabbta, l-imsiemer tal-qronfol, il-kannella, il-qoxra maħkuka u l-meraq tal-larinġa, u l-qoxra ta’ nofs lumija maħkuka. Ħawwad ftit sakemm l-ingredjenti jitħalltu flimkien. 
  4. Itfa’ din it-taħlita fil-landa tal-forn u fil-wiċċ ferrex il-lewż imfarrak. 
  5. Aħmi t-torta fl-ixkaffa tan-nofs tal-forn għal madwar 30-35 minuta.

Ippruvajtha din ir-riċetta? Għoġbitek? Ħalli l-kummenti tiegħek hawn taħt, agħmel ir-rating u agħfas share.