Għall min ma jgħaddix mingħajr kafè imma fl-istess ħin jippreferi xarbiet friski fil-ġranet sħan tas-sajf, dan il-kafè kiesaħ huwa s-soluzzjoni.
Ħin: 5 minuti
Isservi: 2 persuni
Ingredjenti:
- 4 kuċċarini kafè instant
- 250 ml ilma jagħli
- 250 ml ħalib kiesaħ
- 4 kuċċarini chocolate syrup
- Ftit qtar essenza tal-vanilla
- Silġ (ice cubes)
- Zokkor (jekk trid)
- Krema mħabbta
- Chocolate jew caramel syrup biex iżżejjen
Tħejjija:
- Poġġi l-ilma jagħli f’buqar u ħoll fih il-kafè. Jekk trid żid ukoll zokkor għall-gosti tiegħek. Żid ukoll il-ħalib, il-vanilla u ċ-chocolate syrup, u ħawad kollox sew.
- Imla żewġ maggijiet jew tazzi twal sa nofshom bis-silġ u ferra’ t-taħlita tal-kafè fuqhom. Bil-mod poġġi l-krema fil-wiċċ u żejjen biċ-chocolate jew caramel syrup.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
