Riċetta Taljana b’ingredjenti Taljani u faċli biex tippreparaha. Il-laħam tari tal-vitella m’għandux bżonn ħafna sajran u dawn l-involtini msajrin fil-ħxejjex aromatiċi huma eċċellenti bħala platt prinċipali ħafif.
Preparazzjoni: 15-il minuta
Ħin totali: 40 minuta
Isservi: 4 persuni
Ingredjenti:
- 4 dwawar vitella
- Weraq tas-salvja
- 2 friegħi sagħtar frisk (thyme)
- 2 friegħi klin frisk (rosemary)
- 100 g prosciutto, imqatta’ listi
- 100 g ġobon scamorza affumikata, imqatta’ listi
- 2 imgħaref żejt taż-żebbuġa
- 200 ml stokk tat-tiġieġ
- Melħ u bżar mitħun frisk
Tħejjija:
- Poġġi l-erba’ biċċiet vitella ċatti fuq il-mejda. Fuq kull waħda poġġi biċċa prosciutto u qassam l-iscamorza bejn l-erba’ biċċiet. Irrombla l-vitella b’kollox u agħlaq iż-żewġt itruf bit-toothpicks.
- Qatta’ rqiq il-weraq tal-ħxejjex aromatiċi. Saħħan iż-żejt f’kazzola baxxa u poġġi l-involtini. Roxx bil-ħxejjex aromatiċi u dawwarhom fuq kull naħa biex jieħdu l-kulur. Żid l-istokk u niskata melħ. Għatti l-kazzola u tektek għal 20 minuta filwaqt li ddawwarhom kultant.
- Roxx bil-bżar mitħun frisk u servi.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!