Riċetta: Insalata tat-tiġieġ bl-għeneb u l-ġbejniet

children-food-choice-through-peer-pressure

Issa li qaleb it-temp u jibdew resqin ġranet aktar sħan, nibdew infittxu li nagħmlu ikliet aktar ħfief u friski. Il-frott jista’ jkun parti minn dawn l-insalati, kemm biex invarjaw u kemm biex nagħmlu ikla kompluta u nutrittiva.

Ħin: 35 minuta

Isservi: 4 persuni

Ingredjenti:

  • 4 isdra tat-tiġieg, mingħajr ġilda u għadam
  • Mgħarfa żejt taż-żebbuġa
  • Kuċċarina klin (rosemary)
  • 100 g ġewż jew ġewż pekan (pecan nuts) imqatta’ kbir
  • Basla ħamra żgħira, imqattgħa flieli rqaq ħafna
  • 200 g għeneb aħmar, maqsum min-nofs u mingħajr żerriegħa
  • 100 g ġbejniet bojod imnixxfin, imfarrkin
  • Ħass u ħaxix tal-insalata mħallat, bħal ħass aħmar, ikkabbuċjat jew rucola, eċċ.

Għaz-zalza:

  • 100 ml żejt taż-żebbuġa
  • 2 imgħaref ħall balsamiku
  • Mgħarfa għasel
  • 2 kuċċarini mustarda
  • Melħ u bżar mitħun frisk

Tħejjija:

  1. Iftaħ l-isdra tat-tiġieġ f’żewġ biċċiet kull waħda. Idlek il-biċċiet tat-tiġieġ biż-żejt u roxxhom bil-klin, melħ u bżar.
  2. Saħħan grilja fuq nar moderat u ixwi l-isdra miż-żewġ naħat sakemm isiru kompletament.
  3. Fi skutella ħallat flimkien il-ħaxix tal-insalata, l-għeneb, il-basla, il-ġewż u l-ġbejniet.
  4. F’vażett jingħalaq sew ħabbat flimkien iż-żejt taż-żebbuġa, il-ħall balsamiku, il-mustarda, l-għasel, niskata melħ u bżar mitħun frisk.
  5. Qassam l-insalata fuq erba’ platti. Qatta’ l-isdra tat-tiġieġ fi strixxi ħoxnin u rranġahom fuq l-insalata. Roxx iz-zalza fuq kollox u servi.

Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.

Would you like to read this recipe in English? Let us know in the comments section below.