Riċetta: Insalata tal-qamħ ‘bulgur’, tursin u tadam

Bulgar wheat salad , parsley and tomatoes

Riċetta ħafifa u ideali bħala kontorn mal-laħam jew mal-ħut, jew bħala ikla waħedha. Kontu tafu li l-qamħ tal-bulgur tassew għandu ftit kaloriji.

Ingredjenti: 

  • kikkra bulgur wheat
  • 1/2 kikkra tursin imqatta' rqiq ħafna
  • 1/2 kikkra tadam imqatta'. Jiena użajt tadam żgħir ħelu (cherry tomatoes) u qsamtu min-nofs
  • żewġ mgħaref nagħniegħ frisk
  • erba' mgħaref żejt taż-żebbuġa
  • żewġ mgħaref meraq tal-lumi
  • melħ u bżar

 

Tħejjija:

  1. Xarrab il-bulgur wheat għal mill-inqas erba' sigħat fl-ilma kiesaħ.
  2. Neħħi l-ilma u ħalli l-bulgur wheat f'passatur ħalli joqtor.
  3. Ħallat l-ingredjenti kollha flimkien minbarra ż-żejt u l-meraq tal-lum.
  4. Żid il-bulgur wheat. Ħallat sew.
  5. Żid nofs iż-żejt u l-meraq tal-lumi kollu.
  6. Kessaħ fil-friġġ.
  7. Żid il-bqija taż-żejt taż-żebbuġa u servi.

Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.