For this recipe in English: Crab salad with pears and walnut
Il-laħam tal-granċ insibuh ikkumbinat ħafna mal-avokado u ,fil-fehma tiegħi, dawn it-tnejn imorru tajjeb ħafna flimkien. Din ir-riċetta hija different għax mal-granċ se nżidu l-ġellewż u l-lanġas, li flimkien jagħmlu insalata attraenti b’textures differenti u li jagħtu gost lill-palat. Din l-insalata hija adattata ħafna biex tiġi servuta bħala l-ewwel platt, speċjalment fl-ikliet ta’ dawn il-ġranet ta’ festi.
Isservi: 4
Ingredjenti:
- 1 ½ kikkra laħam tal-granċ tal-bott
- ¼ kikkra ġellewż inkaljat
- ½ kikkra karfus (ta’ barra), imqatta’ rqiq
- 2 lanġasiet misjurin imma sodi, imqaxxrin u mqattgħin dadi żgħar
- ¼ kikkra basal aħmar, imqatta’ rqiq ħafna
- 2 mgħaref tursin frisk, imqatta’
- 2 mgħaref meraq tal-lumi
- 1 mgħarfa żejt taż-żebbuġa
- Melħ u bżar mitħun frisk
- Ħassa kkabuċċjata, imqattgħa bl-idejn
Tħejjija:
- F’bieqja ħallat flimkien il-ġellewż, il-karfus, il-lanġas, il-basal, it-tursin, il-meraq tal-lumi, iż-żejt taż-żebbuġa, bżar u melħ. Fl-aħħar żid il-laħam tal-granċ.
- Qassam il-ħassa fuq 4 platti u qassam it-taħlita bejniethom.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.
