Riċetta: Ħobż Toskan tal-polenta, panċetta u tadam imqadded

Tuscan polenta bread with pancetta and dried tomato Riċetta Ħobż Toskan tal-polenta, panċetta u tadam imqadded

Dan il-ħobż Toskan huwa verament faċli biex tippreparah u tajjeb ħafna meta servut sħun. Ir-riħa tfuħ li jagħmel hu u jinħema ftit li xejn tħajrek tistenna biex idduqu!

Ħin: siegħa

Isservi: 8-10 persuni

Ingredjenti:

  • 250 g polenta
  • 60 g dqiq
  • 2 imgħaref zokkor
  • 2 kuċċarini trab tal-ħami (baking powder)
  • ¼ kuċċarina melħ
  • 2 mgħaref żejt taż-żebbuġa
  • 400 ml krema singla
  • 2 bajdiet, imħabbtin ħafif
  • 100 g panċetta, imqattgħa
  • Vażett ta’ 200 g tadam imqadded fiż-żejt, imsaffi u mqatta’
  • Basla żgħira, imqattgħa rqiq
  • Mgħarfa klin frisk (rosemary)

Tħejjija:

  1. Saħħan il-forn għal temperatura ta’ 200°C.
  2. Fi skutella ħallat il-polenta, id-dqiq, iz-zokkor, it-trab tal-ħami u l-melħ.
  3. Saħħan taġen fuq nar moderat u ixwi l-panċetta sakem tieħu l-kulur.
  4. Idlek turtiera ta’ 23 ċm b’mgħarfa żejt taż-żebbuġa, u poġġiha biex tisħon fil-forn.
  5. Sadanittant fi skutella kbira ħallat flimkien il-krema, il-bajd u l-imgħarfa żejt li jkun fadal.
  6. Żid magħhom il-panċetta, it-tadam imqadded, il-basla u l-klin u ħawwad kollox flimkien.
  7. Żid il-polenta mat-taħlita u ħawwad sakemm tixxarrab il-polenta.
  8. Oħroġ it-turtiera mill-forn u ferra’ t-taħlita fiha. Aħmi għal 30-35 minuta jew sakemm stikka li ddaħħal fin-nofs tal-ħobża toħroġ nadifa.
  9. Qatta’ fi flieli u servi l-ħobż sħun

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!