Riċetta: Ħobż tal-qarabagħli u l-ħafur (oats)

Oat and marrow bread

Għalkemm din ir-riċetta hija ta’ ħobż bil-qarabagħli, il-metodu u l-ingredjenti jqarrbu ħafna lejn kejk, imma jissejjah x;jissejjaħ huwa adattat ferm għall-kolazjon u għal kwalunkwe ħin tal-ġurnata wkoll.

Ħin: siegħa u nofs

Kwantità: 2 ħobżiet żgħar

Ingredjenti:

  • 100 g ġewż, mingħajr qoxra
  • 3 bajdiet, imħabbtin ħafif
  • 200 g zokkor ismar
  • 250 ml żejt veġetali
  • 375 g dqiq
  • 2½ kuċċarini trab tal-ħami (baking powder)
  • Kuċċarina melħ
  • Kuċċarina trab tal-kannella (cinnamon)
  • ¼ kuċċarina noċemuskata maħkuka
  • 450 g qarabagħli żgħir,  maħkuk u magħsur f’sarvetta nadifa
  • 100 g ħafur (oats)

 

Tħejjija:

  1. Saħħan il-forn għal temperatura ta’ 180°C. Idlek żewġ laned żgħar (loaf tins) ta’ 20 ċm x 11 ċm biż-żejt u iksihom bil-kartaforn.
  2. Ifrex il-ġewż fuq tilar u inkaljah għal madwar 8 minuti. Ħallih jiksaħ u qattggħu.
  3. Sadanittant, warrab 2 mgħaref miz-zokkor u żid il-kumplament fi skutella mal-bajd u ż-żejt u ħabbat kollox sew flimkien.
  4. Fi skutella kbira għarbel id-dqiq, il-melħ, it-trab tal-ħami, it-trab tal-kannella u n-noċemuskata. Ħawwadhom sew flimkien, agħmel ħofra fin-nofs u ferra’ t-taħlita tal-bajd. Ħawwadhom flimkien b’furketta, żid il-ġewż u l-qarabagħli, warrab 2 mgħaref mill-ħafur u żid il-kumplament mat-taħlita u daħħalhom bil-mod fit-taħlita.
  5. Aqleb it-taħlita fil-laned ippreparati. Ħallat flimkien iż-żewġ mgħaref zokkor u ż-żewġ mgħaref ħafur li tkun warrabt u ferrixhom fuq l-uċuħ tal-kejkijiet.
  6. Aħmi għal 50-60 minuta jew sakemm stikka li ddaħħal fin-nofs il-ħobża toħroġ nadifa.
  7. Ħalli l-ħobż jibred fil-laned għal 20 minuta, imbagħad oħroġu fuq grailja biex jiksaħ.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.